علاقے کا محاصرہ، بڑے پیمانے پر تلاشی،خصوصی چیک پوسٹیں قائم
جموں (پی پی آئی)مقبوضہ جموں و کشمیر کے قصبہ نروال میں 2دھماکوں میں چھ افراد زخمی ہوگئے۔ یہ دھماکے نروال کے ٹرانسپورٹ نگر کے یارڈ نمبر 7 میں ہوئے ہیں۔ سینئر پولیس افسر نے میڈیاکو بتایا کہ دھماکے دو گاڑیوں میں ہوئے، جس میں چھ افراد زخمی ہوگئے۔یہ دھماکے نروال کے ٹرانسپورٹ نگر کے یارڈ نمبر 7 میں ہوئے ہیں۔ دھماکوں کی اطلاع ملتے ہی اے ڈی جی پی جموں مکیش سنگھ موقع پر پہنچ گئے ہیں تمام زخمیوں کو علاج کے لیے نزدیک کے ہی اسپتال لے جایا گیا ہے۔ پولیس افسر نے بتایا کہ پورے علاقے کا محاصرہ کر لیا گیا ہے۔معاملے کی مزید تفتیش جاری ہے۔ دھماکے کے واقعے کے بعد پولیس کا بم ڈسپوزل اسکواڈ اور فارنسک ماہرین موقع پر پہنچ گئے ہیں۔ پولیس ابھی ان دھماکوں کے طریقہ کار کا پتہ لگا رہی ہے۔ مکیش سنگھ نے کہا کہ دھماکے کی نوعیت کا ابھی تک پتہ نہیں چل سکا ہے۔ معاملے کی جانچ جاری ہے۔ پورے علاقے میں بڑے پیمانے پر تلاشی مہم شروع کر دی گئی ہے۔ جبکہ مختلف راستوں پر خصوصی چیک پوسٹیں بھی بنائی گئی ہیں۔