سرائیکی بولنے والے مردم شماری میں خود کو سرائیکی لکھوائیں: نخبہ تاج لنگاہ

ملتان (پی پی آئی) پاکستان سرائیکی پارٹی کی چیئرپرسن ڈاکٹر نخبہ تاج لنگاہ مرکزی صدر ملک اللّٰہ نواز وینس اور مجوزہ صوبہ سرائیکستان کے صدر ڈاکٹر مقصود خان لنگاہ نے کہا ہے کہ سرائیکی قوم کو حقوق سے محروم کرنے اور غلام رکھنے کیلئے مردم شماری میں سرائیکی خانہ کو نظر انداز کیا گیا ہے۔پی پی آئی کے مطابق انھوں نے کہا کہ سرائیکی قوم کی آبادی باقی قوموں سے زیادہ یعنی 44فی صدہے لیکن خدشہ ہے ہیرا پھیری سے اس کو کم کیا جائے گا ہم ڈیجیٹل مردم شماری پر بھی تحفظات رکھتے ہیں سرائیکی قوم کو بڑھ چڑھ کر مردم شماری میں سرائیکی لکھوانا چاہیے۔