ان مصنوعات کی شناخت کر رہے ہیں جو برطانیہ میں کامیابی حاصل کر سکیں
برطانیہ پاکستان میں تجارت اور سرمایہ کاری کو فروغ دے رہاہے: سارہ مونی
اسلام آباد(پی پی آئی) برطانوی ڈپٹی ہائی کمشنر سارہ مونی نے کہا ہے کہ برطانیہ پاکستان میں تجارت اور سرمایہ کاری کو فروغ دے رہاہے، ہائی کمیشن ان مصنوعات کی شناخت کیلئے تحقیق کر رہا ہے جو برطانیہ کی مارکیٹ میں نمایاں کامیابی حاصل کر سکیں۔ انہوں نے کہا کہ سیلاب نے پاکستان میں تباہی مچا دی، ہمارے پاس پاکستان سے 96 فیصد ڈیوٹی فری پروڈکٹس آرہی ہیں۔ تعلیم ہمارا ترجیحی شعبہ ہے،ہم پاکستانی اداروں سے تعاون بڑھانا چاہتے ہیں، پائیدار ترقی، گرین انرجی،انفراسٹرکچر کی ترقی اور صحت کا شعبہ بھی ترجیحات میں ہے۔ پاک برطانیہ شراکت داری کا انداز تبدیل کیا جائے۔