تمام مذہبی مقامات پر سیکیورٹی اقدامات مزید سخت کرنے کا حکم
کراچی (پی پی آئی)آئی جی سندھ غلام نبی میمن نے سندھ پولیس کو ہائی الرٹ رہنے کے احکامات جاری کردیئے ہیں۔آئی جی سندھ غلام نبی میمن نے ہدایت دی کہ مساجد،امام بارگاہوں سمیت دیگر تمام مذہبی مقامات پر سیکیورٹی اقدامات مزید سخت کئے جائیں نیزپیٹرولنگ،اسنیپ چیکنگ کو سخت اور نتیجہ خیز بنایا جائے۔داخلی اور خارجی روٹس/پوائنٹس پر پولیس پکٹنگ/ناکہ بندی کو غیرمعمولی اہمیت جائے۔پی پی آئی کے مطابق علاقوں میں ریکی نگرانی اور ایڈوانس انٹیلی جینس کلیکشن کی بدولت جرائم کے خلاف کریک ڈاؤن کو کامیاب بنانے اور زونز/ڈسٹرکٹس/پولیس اسٹیشنز کے باہم روابط سمیت قانون نافذ کرنیوالے دیگر اداروں کیساتھ بھی مسلسل روابط رکھنے کا بھی کہا گیا ہے۔