پاکستان نے 15 واں ویسٹ ایشیا بیس بال کپ 2023 اسلام آباد جیت لیا۔

اسلام آباد (پی پی آئی)پاکستان نے 15 واں ویسٹ ایشیا بیس بال کپ 2023 جیت لیا۔ گرین شرٹس نے فائنل میں فلسطین کو 3-11 رنز سے شکست دے کر ایشین گیمز اور ایشین چیمپئن شپ کے لیے کوالیفائی کر لیا۔ پاکستان کی جانب سے کپتان فقیر حسین نے 3، ارسلان جمشید، محمد حسین اور فضل خان نے 2-2 جبکہ شہزاد احمد اور محمد یونس نے ایک ایک رن بنایا۔ فلسطین کی جانب سے ابراہیم شلابی، رمیز یاسین اور یونس حلیم نے ایک ایک رن بنایا۔پی پی آئی کے مطابق سری لنکا نے کانسی کے تمغے کی دوڑ میں بنگلہ دیش کو 3-1 سے شکست دی۔ سری لنکا کی جانب سے آمیلا، سنڈون اور روشن نے ایک ایک رن بنایا جبکہ بنگلہ دیش کی جانب سے محمد مصبرال نے واحد رن بنایا۔ فائنل کے مہمان خصوصی وفاقی وزیر بین الصوبائی رابطہ احسان الرحمان مزاری اور امریکی سفیر ڈونلڈ بلوم تھے جنہوں نے صدر پاکستان فیڈریشن کے ہمراہ بیس بال فخر علی شاہ نے میڈلز اور ٹرافیاں تقسیم کیں۔