امارات نے پاکستانی شہری نصیب اللہ کی حوالگی کا مطالبہ کر دیا

دبئی/ اسلام آباد (پی پی آئی)متحدہ عرب امارات نے پاکستانی شہری نصیب اللہ کی حوالگی سے متعلق مطالبہ کر دیا ہے۔پی پی آئی کے مطابق میڈیا رپورٹس میں دعویٰ کیاگیاہے کہ متحدہ عرب امارات نے پاکستانی وزارت خارجہ سے نصیب اللہ کی حوالگی کی باضابطہ درخواست کر دی ہے، پاکستانی شہری یو اے ای کی عدالت سے سزا یافتہ ہے۔ متحدہ عرب امارات کی درخواست پر وفاقی کابینہ نے وزارت داخلہ کی سمری کی سرکولیشن کے ذریعے منظوری دیدی ہے، کابینہ نے اے ڈی سی جی اسلام آباد کو انکوائری آفیسر مقرر کرنے کی بھی منظوری دیدی ہے، نصیب اللہ کے خلاف انکوائری مکمل ہونے پر حوالگی سے متعلق فیصلہ کیا جائے گا۔