سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

کوئٹہ (پی پی آئی)بلوچستان کے دارالحکومت کوئٹہ میں بم دھماکے کے واقعے میں کم ازکم تین افراد زخمی ہوئے ہیں، ذرا ئع کے مطابق دھماکہ گلستان روڈ پر موسی چیک پوسٹ پولیس لائن کے قریب ہوا ہے۔ذرائع کے مطابق پولیس اور امدادی ٹیمیں جائے وقوعہ پر پہنچ گئی ہیں اور زخمیوں کو سول ہسپتال منتقل کردیا گیا ہے۔ڈی آئی جی کوئٹہ پولیس اظفر مہیسر نے بتایا کہ دھماکے میں معمولی زخمی ہوئے۔ ایک سوال پر ان کا کہنا تھا دھماکہ خود کش حملے کی وجہ سے نہیں بلکہ دستی بم حملے کی وجہ سے ہوا۔ پولیس نے پورے علاقے کو گھیرے میں لے کر امدادی کارروائیوں کا آغاز کردیا ہے۔خیال رہے کہ پی ایس ایل سیزن 8 کا نمائشی میچ کوئٹہ گلیڈی ایٹرز اور پشاور زلمی کے درمیان کوئٹہ کے بگٹی اسٹیڈیم میں کھیلا جا رہا ہے۔یاد رہے کہ اس سے قبل 30 جنوری کو پیر کے روز پشاور پولیس لائنز کی مسجد میں خودکش دھماکا ہوا تھا، دھماکا اتنا شدید تھا کہ اس کے نتیجے میں مسجد کی دیوار اور اندرونی چھت اڑ گئی تھی، دھماکے میں 84 افراد شہید ہوئے تھے۔