مہنگائی کاسیلاب ظالمانہ سودی نظام کاشاخسانہ ہے،مفتی رویس ایوبی
پروٹوکول،شاہ خرچیوں نے معیشت کو تباہ کیا، سادگی کورواج دیاجائے
میرپور /مظفرآباد / (پی پی آئی)دولت کی غیر منصفانہ تقسیم سے معاشرتی نفرتیں جنم لیتی ہیں۔ سودی لعنت کے چھٹکارے کے لیے پاکستان شریعت کونسل نے تحریک چلانے کااعلان کردیا۔۔ دنیاکی طاقت ورمعیشتوں میں بھی اتنی سہولیات فراہم نہیں کی جاتی، جتنی پاکستان کی معیشت کو تباہ کرنے کے لیے حکمرانوں نے منظورکررکھی ہیں۔ پی پی آئی کے مطابق ان خیالات کااظہار پاکستان شریعت کونسل کے امیرمرکزیہ مفتی محمد رویس خان ایوبی، مرکزی سیکرٹری جنرل علامہ زاہد الراشدی، مرکزی سیکرٹری اطلاعات مولانا عبدالروف محمدی، معروف مذہبی اسکالر مفتی عطااللہ علوی، مرکزی راہنماٗ مفتی احتشام الحق، اور دیگر نے کیا۔ انھوں نے کہا پاکستان کی معیشت اس وقت تباہ و برباد کرنے میں بڑا کردار حکمرانوں کی شہ خرچیوں اور پروٹوکول کاہے۔انھوں نے کہا جب تک معاشی بہتری نہیں لائی جاتی، اس وقت تک امن کاقیام ناممکن ہے۔ انھوں نے کہا جس کے پیٹ میں روٹی نہیں، اسے اخلاقیات کادرس دے کر جرائم سے باز نہیں رکھاجاسکتا۔۔ انھوں نے کہا معاشی بہتری کے لیے سادگی کورواج دیناہوگا۔ انھوں نے کہا سودی قرضے لے کر حکمرانوں نے اس ملک کے عوام کے ساتھ بدترین زیادتیاں کی۔