الیکشن کمیشن منشیوں پر مشتمل ہے آئین کے ساتھ یہ کھلواڑملک کو مہنگا پڑے گا:فود چوہدری

اسلام آ باد(پی پی آ ئی)پی ٹی آ ئی رہنما فواد چوہدری نے الیکشن کمیشن کو شدید تنقیدکا نشانہ بناتے ہوئے کہا ہے کہ الیکشن کمیشن منشیوں پر مشتمل ہے،آئین کے ساتھ یہ کھلواڑملک کو مہنگا پڑے گا۔سماجی رابطے کی ویب سائٹ ٹو ئٹر پر اپنے پیغام میں فواد چوہدری نے کہا ہے کہ الیکشن کمیشن آئین اور عدالتی احکامات کو مذاق نہ بنائیں،عدالت کے واضع احکامات کے بعد بھی عام تاثر ہے کہ چونکہ الیکشن کمیشن منشیوں پر مشتمل ہے اسلام آباد کی طرح صوبا ئی الیکشن بھی نہیں کرائے گا۔آئین کے ساتھ یہ کھلواڑملک کو مہنگا پڑے گا۔انہوں نے کہا ہے کہ ہمارے پاس آئین ہی متفقہ دستاویز ہے اگر آئین کو بھی روند دیا گیا تو پاکستان کی ریاست شدید خطرات کا شکار ہو جائیگی، بہت ہو گیا آئین کی بالادستی کیلئے ہماری تحریک بالکل تیار ہے جیل بھرو سے اس تحریک کا آغاز ہو گا اور آئین کی بحالی تک تحریک جاری رہے گی۔