پاکستان کے کرنٹ اکاؤنٹ خسارے میں کمی ریکارڈ

جنوری 2023 میں کرنٹ اکاؤنٹ خسارہ 24 کروڑ 20 لاکھ ڈالر رہا
اسلام آ باد(پی پی آئی) پاکستان کے کرنٹ اکاؤنٹ خسارے میں کمی ریکارڈ کی گئی ہے، جنوری 2023 میں کرنٹ اکاؤنٹ خسارہ 24 کروڑ 20 لاکھ ڈالر رہا، جنوری 2022میں یہ خسارہ 2 ارب 46 کروڑ ڈالر تھا۔سٹیٹ بینک کے مطابق دسمبر کے مقابلے جنوری میں جاری کھاتوں کے خسارے میں 17 فیصد کمی ہوئی جبکہ جولائی سے جنوری کے دوران جاری کھاتوں کے خسارے میں 67 فیصد کمی ہوئی۔ جولائی سے جنوری کے دوران جاری کھاتوں کا خسارہ 3 ارب 79 کروڑ ڈالر رہا، گزشتہ مالی سال انہیں 7 ماہ میں جاری کھاتوں کا خسارہ 11 ارب 55 کروڑ ڈالر ریکارڈ کیا گیا تھا۔7 ماہ کے دوران درآمدات میں 8 ارب 80 کروڑ ڈالر کمی ہوئی، جولائی سے جنوری کے دوران برآمدات میں 1 ارب 30 کروڑ ڈالر کمی ہوئی، 7 ماہ میں ترسیلات زر میں ایک ارب 98 کروڑ ڈالر کی کمی ریکارڈ کی گئی۔