کراچی میں گرمی بڑھنے کی پیشگوئی، پارہ34 ڈگری تک چڑھنے کا امکان

کراچی (پی پی آئی) کراچی میں اتوار کے روز دن کے وقت درجہ حرارت32سے34 ڈگری تک جانے کی پیش گوئی کر دی گئی۔ محکمہ موسمیات نے بتایا کہ مغربی ہواؤں کے سسٹم کے زیراثر آج کراچی میں مغرب اور شمالی مغرب سے ہوائیں چل سکتی ہیں جس کے نتیجے میں آج شہر کا درجہ حرارت بڑھنے کا امکان ہے۔بتایا گیا کہ کراچی کا درجہ حرارت 32 سے 34 ڈگری تک جانے کا امکان ہے تاہم شام کے وقت سمندری ہوائیں موسم کو بہتر کرنے میں معاون ثابت ہو سکتی ہیں، رات کو درجہ حرارت 18 سے 20 ڈگری تک گر سکتا ہے۔ رواں سال فروری میں درجہ حرارت معمول سے زیادہ ہونے کی نشاندہی ہوئی ہے جو آئندہ مہینوں کے دوران موسم گرما کی شدت میں اضافے کی جانب اشارہ کرتا نظر آتا ہے۔