گوجرانوالہ(پی پی آ ئی)انسداد دہشت گردی عدالت گوجرانوالہ نے وفاقی وزیر داخلہ رانا ثنااللہ کے وارنٹ گرفتاری جاری کر دئے۔انسداد دہشتگردی کی عدالت نے گجرات کے تھانہ انڈسٹریل میں رانا ثنا اللہ کے خلاف درج ایک مقدمے میں وفاقی وزیر داخلہ کے قابل ضمانت وارنٹ گرفتاری جاری کرتے ہوئے پولیس کو انہیں 7 مارچ کو گرفتار کر کے پیش کرنے کا حکم دیا۔رانا ثنا اللہ کے خلاف 5 اگست 2022 کو (ق) لیگ کے مقامی رہنما شاہ کاز اسلم کی مدعیت میں انسداد دہشتگردی کی دفعات کے تحت مقدمہ درج کیاگیا تھا جس میں ان پر چیف سیکرٹری اور ان کے اہلخانہ کوجان سے مارنے کی دھمکیاں دینے کا الزام عائد کیا گیا ہے۔گجرات پولیس نے مقدمے کو خارج کر کے اخراج رپورٹ عدالت میں جمع کرائی تھی جس پر عدالت نے پولیس کی رپورٹ کو خارج کرتے ہوئے ملزم کے قابل ضمانت وارنٹ گرفتاری جاری کیے۔عدالت نے تفتیشی افسر، متعلقہ ڈی ایس پی اور ایس پی انویسٹی گیشن کو شوکاز نوٹس جاری کرتے ہوئے 7 مارچ کو ذاتی حیثیت میں پیش ہونے کا بھی حکم دیا ہے۔
Next Post
افغان خاتون کی پاکستانی شہریت سے متعلق کیس میں وزارت داخلہ سے رپورٹ طلب
Fri Feb 24 , 2023
کراچی(پی پی آ ئی)سندھ ہائیکورٹ نے افغان خاتون کی پاکستانی شہریت سے متعلق کیس میں وزارت داخلہ سے تفصیلی رپورٹ طلب کرلی۔اس حوالے سے دائر کی جانے والی درخواست میں موقف اختیارکیا گیا تھا کہ نازیہ افغان والدین کی اولاد ہے جو پاکستان میں ہی پیداہوئی اور اس کی شادی […]