نئی مردم شماری اور پارلیمنٹ میں اقلیتوں کی نشستوں میں اضافے کیلئے درخواست دائر

اسلام آ باد(پی پی آ ئی)نئی مردم شماری اور پارلیمنٹ میں اقلیتوں کی نشستوں میں اضافے کے لئے سپریم کورٹ میں درخواست دائر کردی گئی۔درخواست میں مؤقف اپنایا گیا ہے کہ 2017 کے بعد سے شہری اور دیہی آبادی میں غیرمعمولی فرق آیا ہے، موجودہ مردم شماری پر انتخابات کرانے سے عوام کے حقیقی نمائندے منتخب نہیں ہوسکیں گے۔درخواست میں استدعا کی گئی ہے کہ نئی مردم شماری اوراقلیتوں کی نشستوں میں اضافے تک انتخابات روکے جائیں، قانون کے مطابق اقلیتوں کو پارلیمنٹ میں تناسب کے مطابق نشستیں دی جائیں۔ درخواست میں وفاقی حکومت، الیکشن کمیشن اور چیف مردم شماری کمشنر کو فریق بنایا گیا ہے۔