بالائی و وسطی علاقوں میں تیز ہواؤں اور گرج چمک کے ساتھ بارش کی توقع
اسلام آ باد(پی پی آ ئی)محکمہ موسمیات نے ملک کے بیشتر اضلاع میں بارشوں کی پیشگوئی کردی ہے۔محکمہ موسمیات کی جانب سے 28 فروری منگل کے روز سے جمعرات کے دوران بالائی اور وسطی علاقوں میں بارش کی پیشگوئی کی ہے۔محکمہ موسمیات کے مطابق مغربی ہوائیں 28 فروری کو ملک کے مغربی علاقوں میں داخل ہوں گی، اور یکم مارچ کو ملک کے بالائی اور وسطی علاقوں میں پھیل جائیں گی۔محکمہ موسمیات کے مطابق بالائی و وسطی علاقوں تیز ہواؤں گرج چمک کے ساتھ بارش کی توقع ہے اور اس دوران پہاڑوں پر برفباری کا بھی امکان ہے، جب کہ مری، گلیات، آزاد کشمیر اور گلگت بلتستان میں بارش اور برفباری کا امکان ہے، اور خیبرپختونخوا کے پہاڑی علاقوں مری گلگت بلتستان کشمیر میں لینڈ سلائیڈنگ کا خدشہ ہے، جس کے لئے تمام متعلقہ اداروں کو الرٹ رہنے کی ہدایت کردی گئی ہے۔