ملک بھر میں 24 کروڑ سے زائد درخت لگائے جائے گے: شیری رحمان

اسلام آ باد(پی پی آ ئی) وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ وفاقی حکو مت نے شجرکاری مہم کا آغاز کیا ہے،جس کے تحت ملک بھر میں 24 کروڑ سے زائد درخت لگائے جائے گے۔اپنے ٹو ئٹر پیغام میں سینیٹر شیری رحمان نے کہا ہے کہ جنگلات ہمارہ اثاثہ اور ماحولیاتی سرمایہ ہیں،جنگلات کے رقبے میں اضافہ اور جنگلات کا تحفظ ہر شہری اور متعلقہ ادارے کا فرض ہے۔ ہم نے جنگلات میں آگ کے واقعات کی روک تھام کیلئے تمام صوبوں اور وفاقی علاقوں کو ایس او پیز بھیجے ہیں۔انہوں نے کہا کہ ان ایس او پیز کا مقصد جنگلات میں آگ لگنے کے واقعات کی روک تھام اور پیشگی اقدامات کرنا ہے۔ ہر سال گرم اور خشک موسم کی وجہ سے جنگلات میں آگ لگنے کے واقعات پیش آتے ہیں۔ گزشتہ سال بلوچستان میں چلغوزے کے جنگلات کے علاوہ مارگلہ، سوات اور دیگر کئی مقامات میں آگ کے واقعات پیش آئے،جنگلات کے رقبے میں اضافہ اور جنگلات کا تحفظ ہر شہری اور متعلقہ ادارے کا فرض ہے۔ اسلئے آگ کے واقعات کی روک تھام کیلئے یہ اقدامات ناگزیر ہیں، مارگلہ میں آگ کے واقعات کی روک تھام کیلئے کنٹرول روم اور ہیلپ لائین کو متحرک کرنے کا کہا گیا ہے۔ آگ کے واقعات میں ملوث افراد اور مافیہ کے خلاف سخت قانونی کاروائی کی جائے گی۔