وادی میں غیر کشمیریوں کی آبادکاری کسی صورت قبول نہیں، حقوق کا تحفظ کریں گے
زمینوں پر قبضہ مسلم کردار مٹانا اور علاقے کو ایک نوآبادی بنانے کی واضح کوشش ہے
سری نگر(پی پی آئی) کل جماعتی حریت کانفرنس نے کہاہے کہ زمینوں پر قبضے کی مودی کی پالیسی کا مقصد کشمیریوں کی شناخت اور ان کے مسلم کردار کو مٹانے کے علاوہ علاقے کو ایک نوآبادی بنانے کی واضح کوشش ہے۔انہوں نے کہا کہ جموں و کشمیر، کشمیری عوام کا ہے اور وہ علاقے میں غیر کشمیریوں کو آباد کرنے کے بھارتی اقدام کی مزاحمت کرتے ہوئے اپنے حقوق کا تحفظ کریں گے۔انہوں نے کہاکہ اس پورے عمل کا مقصد کشمیری عوام سے ان کی شناخت چھیننا اور انہیں اپنے ہی وطن میں ایک چھوٹی سی اقلیت میں تبدیل کرنا ہے۔