اسلام آ باد(پی پی آ ئی) سپریم کورٹ کے فیصلے کے بعد الیکشن کمیشن نے صدر مملکت عارف علوی اور گورنر خیبرپختونخوا کے ساتھ مشاورت دوبارہ شروع کرنے کا فیصلہ کرلیا۔سپریم کورٹ کے فیصلے کے بعد الیکشن کمیشن میں چیف الیکشن کمشنر کی سربراہی میں اہم اجلاس ہوا، جس میں ممبران الیکشن کمیشن و سیکرٹری الیکشن کمیشن نے شرکت کی۔ذرائع کے مطابق اجلاس میں الیکشن کمیشن کے لاونگ نے سپریم کورٹ کے فیصلے پر بریفنگ دی، جب کہ پنجاب اور خیبرپختونخوا کے الیکشن کے حوالے سے مشاورت کی گئی۔ذرائع کے مطابق الیکشن کمیشن نے صدر مملکت اور گورنر خیبرپختونخوا کے ساتھ مشاورت دوبارہ شروع کرنے کا فیصلہ کیا ہے، جس کے مطابق ایک مرتبہ پھر خطوط کا سلسلہ شروع کیا جاسکتا ہے۔ذرائع نے مزید بتایا کہ الیکشن کمیشن نے مزید مشاورت کے لئے آج جمعرات کے روز دوبارہ اجلاس طلب کر لیا۔دوسری جانب گورنر خیبرپختون خوا غلام علی کا کہنا تھا کہ انتخابات کے حوالے سے سپریم کورٹ کے فیصلے پر من وعن عملدرآمد کیا جائے گا۔ آئین اور قانون کے مطابق عمل کروں گا، الیکشن کمیشن سے مشاورت کے بعد انتخابات کی تاریخ دوں گا۔
Next Post
بلوچستان ہائی کورٹ نے این اے 265 میں ضمنی انتخاب روک دیا
Wed Mar 1 , 2023
کو ئٹہ(پی پی آئی)بلوچستان ہائی کورٹ نے الیکشن کمیشن کو این اے 265 پر ضمنی انتخاب سے روک دیا ہے۔ہائی کورٹ کے دو رکنی بنچ نے فیصلہ قاسم سوری کی درخواست پر دیا۔ درخواست کی سماعت ہائی کورٹ کے چیف جسٹس نعیم اخترافغان اور جسٹس عامر رانا نے کی جبکہ […]