مقبوضہ جموں و کشمیر میں ضبط کی گئی دکا نوں کی واگزاری کیلئے دکانداروں کا تیسرے روز بھی احتجاج اورمظاہرہ

پلوامہ(پی پی آئی) ضلع پلوامہ کے علاقے کھریو سے تعلق رکھنے والے دکانداروں نے ضبط کی گئی اپنی دکا نوں کی واگزاری کیلئے بھارت فوج کے خلاف تیسرے روز بھی احتجاج اورمظاہرہ کیا۔دکانداروں نے اپنے بچوں اور خواتین سمیت سرینگر میں دھرنا دیا اور کھریو میں بھارتی فوج کی طرف سے ضبط کی گئی اپنی دکا نیں سپپرد کرنے کا مطالبہ کیا۔احتجاج کرنے والے دکانداروں نے صحافیوں کو بتایا کہ فوج کی جانب سے جگہ خالی کرانے کا نوٹس جاری کرنے سے پہلے وہ گزشتہ 25سال سے دکانیں چلا رہے تھے۔ احتجاج کرنے والے ایک دکاندار نے کہا کہ جب ہم نے وجہ پوچھی تو فوج نے کہا کہ یہ دکانیں سابق فوجیوں کو فراہم کی جائیں گی۔دکانداروں کا کہنا ہے کہ انہوں نے متعلقہ عدالت سے بھی رجوع کیا اور فوج کے حکم کے خلاف ا سٹے حاصل کیا اور ایک سال کے بعد عدالت نے دکانیں دوبارہ کھولنے کا حکم دیا۔ لیکن فوج نے اجازت نہیں دی۔انہوں نے حکام سے اپیل کی کہ وہ اس معاملے میں مداخلت کریں تاکہ وہ دوبارہ اپنی دکانیں چلا سکیں۔