زخمی طالبہ کی حالت خطرے سے باہر، غیر قانونی اسلحہ رکھنے کامقدمہ بھی درج
کراچی (پی پی آئی)کراچی کے علاقے اورنگی ٹاو?ن کے اسکول میں فائرنگ میں ملوث طالب علم کو گرفتار کر لیا گیا۔اس حوالے سے پولیس نے کہا ہے کہ گرفتار ملزم سے فائرنگ میں استعمال ہونے والا اسلحہ برآمد کر لیا گیا ہے۔پولیس کا کہنا ہے کہ ملزم کے خلاف غیر قانونی اسلحہ رکھنے کا ایک اور مقدمہ درج کر لیا،پی پی آئی کے مطابق پولیس نے کہا ہے کہ 4 روز قبل اورنگی ٹاؤن کے نجی اسکول کی کلاس میں فائرنگ کا واقعہ پیش آیا تھا۔فائرنگ کے نتیجے میں 15 سالہ طالبہ گولی لگنے سے زخمی ہو گئی تھی۔پولیس حکام نے کہا ہے کہ لڑکی کی ٹانگ میں گولی لگی تھی جو گزشتہ روز نکال لی گئی ہے، زخمی ہونے والی لڑکی کی حالت خطرے سے باہر ہے، وہ نجی اسپتال میں زیر علاج ہے۔ حکام کا کہنا ہے کہ ملزم نے بیان میں بتایا وہ پستول لوڈ کر رہا تھا کہ گولی چل گئی، لڑکے کے مطابق وہ گن اس لیے لایا تھا تاکہ اسکول کے بعد ٹک ٹاک بنا سکے۔