جمہوریت کو کمزور کرنے کے عمل میں عمران خان بنیادی کھلاڑی ہیں:سعد رفیق

لاہور(پی پی آئی)پاکستان مسلم لیگ (ن) کے سینئر رہنما اوروفاقی وزیر خواجہ سعد رفیق نے کہاہے کہ جمہوریت کو کمزور کرنے کے عمل میں عمران خان بنیادی کھلاڑی ہیں، اس ملک میں الیکشن ہوگا بھی یا نہیں، میں نہیں جانتا، لیکن ایسے فیصلے دیئے گئے جس سے ریاست کی بنیادیں ہل گئیں۔میڈیا ذرا ئع کے مطابق احتساب عدالت کے باہر میڈیا سے گفتگو کرتے ہوئے لیگی خواجہ سعد رفیق نے کہاکہ جمہوریت کو کمزور کرنے کے عمل میں عمران خان بنیادی کھلاڑی ہیں،پارلیمنٹ کو جو زنجیریں پہنائی گئی ہیں عمران خان اس کھیل کا حصہ تھے۔عمران خان مجرم کے طور پر تاریخ کے کٹہرے میں کھڑے ہیں، اس ملک میں الیکشن ہوگا بھی یا نہیں، میں نہیں جانتا،لیکن ایسے فیصلے دیئے گئے جس سے ریاست کی بنیادیں ہل گئیں، اب کہہ رہے ہیں الیکشن کروا دو۔