گوجرانوالہ(پی پی آ ئی) گوجرانوالہ کی انسداد دہشت گردی کی عدالت نے وفاقی وزیر داخلہ رانا ثنا اللہ کے ناقابل ضمانت وارنٹ گرفتاری جاری کر دیے ہیں۔گوجرانوالہ کی انسداد دہشت گردی کی عدالت نے رانا ثنا اللہ کی منگل کے روز حاضری سے استثنا کی درخواست خارج کرتے ہوئے محفوظ فیصلہ سنادیا۔وفاقی وزیر داخلہ کے ناقابل ضمانت وارنٹ گرفتاری اے ٹی سی عدالت کے جج رانا زاہد اقبال خان نے جاری کیے۔ عدالت نے پولیس کو حکم دیا کہ رانا ثنا اللہ کو گرفتار کر کے 28 مارچ کو پیش کیا جائے۔واضح رہے کہ رانا ثنا اللہ کے خلاف پانچ اگست 2022 کو (ق) لیگ کے مقامی رہنما شاہ کاز اسلم کی مدعیت میں انسداد دہشت گردی کی دفعات کے تحت مقدمہ درج کیا گیا تھا جس میں ان پر چیف سیکرٹری اور ان کے اہلخانہ کوجان سے مارنے کی دھمکیاں دینے کا الزام عائد کیا گیا تھا۔
Next Post
پیشیوں کی آڑ میں عمران خان کے قتل کی سازش کی جارہی ہے: اسد عمر
Tue Mar 7 , 2023
لاہور(پی پی آئی) پی ٹی آ ئی رہنما اسد عمر نے کہا ہے کہ عدالت پیشیوں کی آڑ میں عمران خان کے قتل کی سازش کی جارہی ہے۔میڈیا سے گفتگو کرتے ہوئے پی ٹی آئی رہنما اسد عمر نے کہا کہ آج سے 4 ماہ پہلے تک جب بھی عدالت […]