عورتوں کے عالمی دن منانے کا مقصد عورتوں کی حوصلہ افضائی کرناہے: شیری رحمان

اسلام آ باد(پی پی آ ئی)وفاقی وزیر ماحولیاتی تبدیلی اور پیپلز پارٹی کی مرکزی رہنماسینیٹر شیری رحمان نے عورتوں کے عالمی دن کے موقع پر پاکستان کی جرات مند، محنتی اور بہادر عورتوں سمیت دنیا بھرکی عورتوں کو خراج اور مبارکباد پش کرتے ہو ئے کہا کہ عورتوں کے عالمی دن منانے کا مقصد عورتوں کی حوصلہ افضائی کرناہے۔ سماجی رابطے کی ویب سائٹ ٹوئٹر پر سینیٹر شیری رحمان نے عورتوں کے عالمی دن کے موقع پراپنے بیان میں کہا کہ اس دن منانے کا مقصد عورتوں کی حوصلہ افضائی کرنا، ان کے حقوق کو تسلیم کرنا اور عورتوں کے مساوی حیثیت کے حوالے سے لوگوں میں بیداری پھیلانا ہے۔آج ہماری عورتیں زیادہ نہیں بلکہ اپنے انسانی، آئینی اور قانونی حقوق کا مطالبہ کر رہیں،ان کے کام، محنت، کاوشوں اور کامیابیوں کی حوصلہ افضائی کریں۔