چارسدہ میں دہشت گردی کامنصوبہ ناکام، 2 دہشت گرد گرفتار

چارسدہ(پی پی آئی) چارسدہ پولیس نے دہشت گردی کامنصوبہ ناکام بناتے ہوئے 2 دہشت گردوں کو گرفتار کرلیا ہے۔ذرائع کے مطابق چارسدہ کے علاقے شب قدر میں پولیس نے کارروائی کرتے ہوئے 2 دہشت گردوں کو گرفتار کرلیا ہے۔پولیس کا کہنا ہے کہ دہشت گردوں کے قبضے سے بارودی مواد،دستی بم اور مارٹر گولے برآمد ہوئے ہیں، جو کہ دہشت گردی کی کارروائی میں استعمال ہونے تھے۔2 دہشتگردوں کا تعلق کالعدم تنظیم سے ہے اور وہ اس سے قبل بھی تخریب کاری کی کارروائیوں میں ملوث رہ چکے ہیں۔