رانا ثنا اللہ اورپارٹی تصادم اور لاشیں گرانا چاہتی ہے: حماد اظہر

لاہور(پی پی آ ئی)پاکستان تحریک انصاف کے رہنما حماد اظہر نے کہا ہے کہ رانا ثنا اللہ اور پارٹی ملک میں تصادم اور لاشوں کی سیاست چاہتی ہے۔لاہور میں پی ٹی آئی کی عدلیہ کے ساتھ اظہار یکجہتی ریلی سے قبل میڈیا سے بات کرتے ہوئے پی ٹی آ ئی رہنما حماد اظہر کا کہنا تھا کہ پی ٹی آئی ایک قانون و انصاف پر چلنے والی پر امن جماعت ہے اور آج ہم اپنی ریلی نکال رہے ہیں۔پی ٹی آئی چیئرمین عمران خان کی ممکنہ گرفتاری کے سوال پر ان کا کہنا تھا کہ آج لاکھوں کارکن لاہور میں موجود ہوں گے اور حکومت عمران خان کو کیا گرفتار کرے گی۔ ان پر 77 جعلی مقدمے بنا دیے ہیں۔ان کا کہنا تھا کہ ایسے ہتھکنڈوں سے تحریک نہیں رکتی لہذا حکومت کو مفت مشورہ یہ ہے کہ ایسی کسی بھی حرکت سے گریز کریں،ہم نے اپنے کارکنوں کو پرامن رہنے کا کہا ہے۔