کابل (پی پی آئی)افغانستان کرکٹ بورڈ نے پاکستان کے خلاف تین میچز پر مشتمل ٹی20 سیریز کے شیڈول کا اعلان کردیا۔شارجہ سٹیڈیم میں کھیلی جانے والی سیریز کا پہلا میچ 25 مارچ، دوسرا 27 مارچ اور تیسرا 29 مارچ کو کھیلا جائے گا۔پی پی آئی کے مطابق اس سیریز کے لیے پاکستانی ٹیم کا اعلان اگلے ہفتے متوقع ہے۔ پاکستانی سکواڈ میں اعظم خان، احسان اللہ، عماد وسیم اور اسامہ میر کے انتخاب کا روشن امکان ہے، قومی ٹیم کا تربیتی کیمپ نہیں لگایا جائے گا۔ بابراعظم کی کپتانی میں ٹیم بائیس مارچ کی شب شارجہ روانہ ہوگی۔پی پی آئی کے مطابق دوسری جانب افغانستان کے خلاف رواں ماہ ہونے والی تین ٹی20 میچز کی سیریز کے لیے پاکستانی ٹیم کے انتخاب پر مشاورت شروع کردی گئی۔اس حوالے سے چیف سلیکٹر ہارون رشید کی سربراہی میں سلیکشن کمیٹی کا باقاعدہ اجلاس جلد متوقع ہے، ابتدائی طور پر 20 یا 22 کھلاڑیوں کے ناموں کے اعلان کا آپشن بھی رکھا جارہا ہے جس سے 16 رکنی ٹیم منتخب کی جائے گی جبکہ ٹیم کا اعلان ٹورنامنٹ کے فائنل سے قبل متوقع ہے۔
Next Post
داؤد یونیورسٹی سے 42 سے زائد ملازمین فارغ
Wed Mar 8 , 2023
کراچی(پی پی آئی)داؤد یونیورسٹی سے 42 سے زائد ملازمین فارغ کئے گئے ہیں یہ ملازمین ڈیلی ویجز پر تعینات تھے اور انہیں ماضی میں تعینات کیا گیا تھا۔ زیادہ تر ملازمین کا تعلق نچلے گریڈ سے ہے تاہم نکالے جانے والوں میں 9 ریسرچ ایسوسی ایٹس بھی شامل ہیں۔پی پی […]