آئی ایم ایف کے مطالبے پر بجلی کی قیمتوں میں مزید اضافے کی تیاری

اسلام آباد(پی پی آئی) عالمی مالیاتی فنڈز (آئی ایم ایف) کے مطالبے پر بجلی کی قیمتوں میں مزید اضافے کی تیاری کر لی گئی۔حکومت نے بجلی صارفین پر 335 ارب کا اضافی بوجھ ڈالنے کیلئے نیپرا میں درخواست دائر کر دی۔بجلی کی قیمت میں 3.23 روپے اضافی سرچارج لگانے کیلئے درخواست دائر کی گئی ہے، بجلی کی قیمت میں اضافی سرچارج آئندہ مالی سال سے لگایا جائے گا۔درخواست میں کہا گیا کہ 6 مارچ کو بجلی کی قیمتوں میں اضافہ ناکافی ہے، نیپرا کی جانب سے درخواست پر 16 مارچ کو سماعت کی جائے گی۔بتایا گیا ہے کہ اضافی سرچارج کا اطلاق کے الیکٹرک صارفین پر بھی ہوگا۔