ایران کے ساتھ بجلی سپلائی سے متعلق معاہدے پر دستخط ہوں گے
اسلام آ باد(پی پی آ ئی)پاکستانی وفد ایران سے 100 میگا واٹ اضافی بجلی خریدنے کے لیے پاکستانی وفد 3 روز کے دورے پر تہران روانہ ہو گیا۔پاکستان ایران سے کئی برسں سے بجلی خرید کر گوادر اور اطراف کے اضلاع میں فراہم کررہا ہے۔بلوچستان کے سرحدی اضلاع میں بجلی کی بڑھتی کھپت کے پیش نظر ایران سے 100 میگاواٹ اضافی بجلی خریدنے کیلئے پاکستانی وفد تین روزہ دورے پر تہران کے لئے روانہ ہو گیا ہے۔توانائی ڈویڑن کے حکام کا کہنا ہے کہ اضافی سومیگاواٹ بجلی کا مقصد گوادر کو زیادہ بجلی فراہم کرنا ہے۔ اس سلسلے میں ایران سے مکران ڈویڑن کے لئے ٹرانسمیشن لائن پہلے ہی مکمل ہوچکی ہے۔