پشاور (پی پی آئی) ایمپلائرز فیڈریشن آف پاکستان (ای ایف پی) کے پی کے چیئرمین ڈاکٹر محمد یوسف سرور نے آجروں پر زور دیتے ہوئے کہا ہے کہ پیشہ ورانہ سیفٹی اور ہیلتھ اقدامات ورکرز کا بنیادی حق ہیں اور آجروں کی ذمہ داری بھی کہ وہ کام کے مقام پر ورکرز کی حفاظت کو یقینی بنائیں۔ پی پی آئی کے مطابق یہ بات انہوں نے پیشہ ورانہ سیفٹی، ہیلتھ کنونشن 155 اور 187 سے متعلق پشاور میں آگاہی ورکشاپ میں آجروں کے نمائندوں سے خطاب کرتے ہوئے کہی۔ورکشاپ کا انعقاد ایمپلائرز فیڈریشن آف پاکستان (ای ایف پی) نے انڈسٹریلسٹ ایسوسی ایشن آف پشاور (آئی اے پی) کے اشتراک اور انٹرنیشنل لیبر آرگنائزیشن (آئی ایل او)کے تعاون سے کیا تھا۔اس موقع پر ای ایف پی سیکرٹری جنرل سید نذر علی،انڈسٹریلسٹ ایسوسی ایشن پشاور (آئی اے پی) کے صدر ملک عمران اسحاق، اختر قدوس اور ڈائریکٹر ای ایف پی بورڈ سید حسنین مظہر نے بھی خطاب کیا۔
Next Post
اداکارہ علیزے شاہ شدید علیل، مداحوں سے دعا کی اپیل
Thu Mar 23 , 2023
کراچی(پی پی آئی) پاکستانی معروف اداکارہ عیلزے شاہ شدید بیماراور ااسپتال میں زیر علاج ہیں، انھوں نے تمام مداحوں سے دعا کی اپیل کی ہے۔اداکارہ علیزہ شاہ نے اپنی انسٹاگرام سٹوری پر ایک تصویر شیئر کی جس میں وہ ہسپتال کے بیڈ پرہیں، ساتھ ہی اداکارہ نے اپنی صحت یابی […]