اسلام آ باد(پی پی آ ئی) سپریم کورٹ میں وزیر اعظم شہباز شریف، مریم نواز اور اسحاق ڈار اور راجہ پرویز اشرف کے خلاف توہین عدالت کی درخواست دائر کی گئی ہے۔ذرا ئع کے مطابق درخواست ایڈوکیٹ مولوی اقبال حیدر نے دائر کی ہے اور درخواست میں سیکرٹری خزانہ کو بھی فریق بنایا گیا ہے۔درخواست میں استدعا کی گئی ہے کہ وزیر اعظم شہباز شریف، مریم نواز اور اسحاق ڈار کے خلاف توہین عدالت کی کاروائی کی جائے۔درخواست میں یہ بھی استدعا کی گئی ہے کہ سپیکر قومی اسمبلی راجہ پرویز اشرف اور سیکرٹری خزانہ کے خلاف بھی کارروائی کی جائے۔
درخواست میں موقف اختیار کیا گیا ہے کہ مذکورہ حکومت شخصیات نے سپریم کورٹ کے 4 اپریل کے حکم کی توہین کی۔مزید کہا گیا ہے کہ الیکشن کمیشن کو 21 ارب روپے نہ دے کر توہین عدالت کی گئی ہے۔