ہفتہ وار مہنگائی میں 0.60 فیصد کی کمی ریکارڈ

اسلام آ باد(پی پی آ ئی) پاکستان میں سالانہ بنیاد پر مہنگائی کی شرح میں 44 فیصد سے زائد کا اضافہ ریکارڈ کیا گیا ہے جبکہ ہفتہ وار مہنگائی میں 0.60 فیصد کی کمی ریکارڈ کی گئی ہے۔تفصیلات کے مطابق جمعے کے روز وفاقی ادارہ شماریات کی جانب سے جاری کردہ اعدادو شمار کے مطابق ہفتہ وار مہنگائی میں تاہم 0.60 فیصد کی کمی ریکارڈ کی گئی ہے۔ہفتہ وار بنیادوں پر آلو، چکن، انڈوں اور دال ماش کی قیمت میں اضافہ ریکارڈ کیا گیا جب کہ ٹماٹر، پیاز، ادرک، آٹا اور کچھ دوسری چیزوں میں کمی ریکارڈ کی گئی۔