محکمہ موسمیات کی ملک کے مختلف حصوں میں آندھی اور گرج چمک کے ساتھ مزید بارشوں کی پیشگوئی

اسلام آ باد(پی پی آ ئی)محکمہ موسمیات نے بدھ سے بالائی خیبرپختونخوا، بلوچستان، مشرقی پنجاب، بالائی سندھ اور کشمیر سمیت ملک کے شمالی علاقوں میں تیز ہواؤں، آندھی اور گرج چمک کے ساتھ مزید بارشوں کی پیشگوئی کر دی ہے۔محکمہ مو سمیات نے ان علاقوں میں ہلکی بارش کا سلسلہ اتوار تک وقفے وقفے سے جاری رہنے کا امکان ظا ہر کیا ہے، اس دوران مری، گلیات اور پوٹھوہار میں بھی بارش کی پیشگوئی کی گئی ہے۔ محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم خشک اور گرم رہنے کا امکان ہے۔