دیرینہ دشمنی پربنوں میں ایک ہی خاندان کے4 بچوں سمیت 5 افراد قتل

بنوں (پی پی آئی) بنوں میں پولیس نے مکان سے 4 بچوں سمیت 5 افراد کی لاشیں برآمد کر لیں، مرنے والوں کا تعلق ایک ہی خاندان سے ہے۔پی پی آئی کے مطابق پولیس نے اطلاع ملنے پر تھانہ ڈومیل کی حدود میں ایک مکان کا دروازہ توڑا تو وہاں 4 بچوں سمیت 5 افراد کی لاشیں برآمد ہوئیں جنہیں پوسٹ مارٹم کیلئے ہسپتال منتقل کر دیا گیا۔ پولیس نے 5 افراد کا اندوہناک قتل دیرینہ دشمنی کا شاخسانہ ہونے کا شبہہ ظاہر کیا ہے۔ جاں بحق افراد کا ایک ہی خاندان سے تعلق بتایا گیا ہے۔