لاہور (پی پی آ ئی) تحریک انصاف کے رہنما فواد چوہدری نے کہا ہے کہ آئین کو صرف بیانوں اور قراردادوں سے معطل نہیں کیا جا سکتا
شہباز شریف کہہ رہے ہیں انتخابا ت اکتوبر میں ہونے چاہیئں مگر آئین کہتا ہے اسمبلیاں ٹوٹنے کے 90 دن کے اندر الیکشن ہوں۔سماجی را بطے کی ویب سائٹ ٹو ئٹر پر اپنے بیان میں سابق وفاقی وزیر فواد چوہدری نے کہا کابینہ اپنا فیصلہ پارلیمان کو بھیج دے اور 2 تہائی سے آئین کو بدل لے دوسری صورت میں دونوں صوبوں میں سپریم کورٹ کے حکم پر الیکشن کروائے جائیں، وفاق کا معاملہ بعد میں آئے گا۔انہوں نے کہا کہ آئین کو بیانات اور قراردادوں سے معطل نہیں کیا جا سکتا، آئین کو نہ ماننے کا رویہ ناقابل قبول ہے۔