پاکستان میں انٹرنیشنل ایونٹ کی نمائندگی میری خواہش ہے : اعصام الحق

لاہور: پاکستانی ٹینس اسٹار اعصام الحق ویتنام میں ڈیوس کپ جیتنے کے بعد وطن واپس پہنچ گئے ۔ لاہور ایئر پورٹ پر صحافیوں سے گفتگوکرتے ہوئے انہوں نے خواہش ظاہر کی کہ تما م کھیلوں کو پاکستان میں بحال ہونا چاہیئے ۔ انہوں نے کہا کہ اپریل کے پہلے ہفتے میں ڈیوس کپ کا دوسرا راﺅنڈ ہوگا جس میں اچھی پرفارمنس دینے کی کوشش کروں گا ۔ اعصام الحق کا مزید کہنا تھا کہ حکومت کو تمام کھیلوں کی بحالی کے لئے مثبت اقدامات کرنے چاہیئیں اور ٹینس کے انٹرنیشنل ایونٹ بھی ملک کے اندر ہونے چاہیئیں ۔