پاکستان سمیت دنیا بھر میں عالمی یوم خاندان منایا گیا

کراچی (پی پی آئی) پاکستان سمیت دنیا بھر میں 15مئی کو خاندان کا عالمی دن منایا گیا۔ 1993میں اقوام متحدہ کی جنرل اسمبلی میں ایک قرار داد کے ذریعے اس دن کو منانے کی منظوری دی تھی، جس کے بعد 1994سے یہ دن باقاعدہ طور پر دنیا کے مختلف ممالک میں منایا جانے لگا۔ خاندانی نظام کی دن بدن بگڑتی صورتحال کی وجہ سے اس کی اہمیت کو دوبارہ اجاگر کرنے کے لیے یہ دن منانے کی ضرورت پیش آئی۔پی پی آئی کے مطابق اس دن کی مناسبت سے منعقدہ تقاریب میں سے خطاب کرتے ہوئے مقررین نے کہا کہ خاندانی زندگی کو مضبوط بناکر ہی ہم ایک اچھے سماج کی بنیاد رکھ سکتے ہیں۔