ٹانک میں دہشتگردوں کا پولیس موبائل پر حملہ، ایک شخص جاں بحق، 22 زخمی

پشاور(پی پی آئی) خیبرپختونخوا کے علاقے ٹانک میں بنوں روڈ پردہشتگردوں نے پولیس پر دستی بم سے حملہ کیا جس کے نتیجے میں ایک شخص جاں بحق جبکہ دو پولیس اہلکاروں سمیت 22افراد زخمی ہوئے ہیں۔ڈی پی او وقار احمد خان کے مطابق ضلع ٹانک میں پولیس پر ہینڈ گرنیڈ کے حملے اور فائرنگ کے دو مختلف واقعات میں دو پولیس اہلکاروں سمیت 22 افراد زخمی ہو گئے ہیں۔جبکہ ایک زخمی دم توڑ گیا ہے،انہوں نے کہا کہ پولیس نے بروقت کاروائی کر کے ایک حملہ آور زخمی ہوا ہے جس کو گرفتار کر لیا ہے،علاقے کو گھیرے میں لے کر سرچ آپریشن شروع کر دیا۔ڈی پی او کے مطابق زخمیوں کو ہیڈ کوارٹر ہسپتال ٹانک منتقل کر دیا گیا ہے جبکہ ہسپتال میں ایمرجنسی نافذ کر دی گئی ہے۔