میئر جماعت اسلامی کا اور ڈپٹی میئر تحریک انصاف کا ہو گا، حافظ نعیم الرحمٰن

کراچی(پی پی آئی)جماعت اسلامی کراچی ک امیر حافظ نعیم الرحمٰن نے کہا ہے کہ میئر جماعت اسلامی کا اور ڈپٹی میئر تحریک انصاف کا ہو گا۔ایک بیان میں حافظ نعیم الرحمٰن نے کہا کہ پیپلز پارٹی نے اپنی مرضی کی حلقہ بندیاں کیں، پی پی نے انتخابی نتائج کو تبدیل کیا۔پی پی آئی کے مطابق حافظ نعیم الرحمٰن کا کہنا ہے کہ جماعت اسلامی اختیارات کا رونا نہیں روئے گی، اگر اختیارات آسانی سے نہیں ملے تو چھین کر لیں گے۔انہوں نے کہا کہ آئین کے تحت جو اختیارات ہیں وہ بلدیاتی اداروں کو دینے پڑیں گے۔