ملٹی ڈائریکٹرز فلم ”تیری میری کہانیاں“ سینما گھروں میں نمائش کیلئے تیار

کراچی (پی پی آئی)فلم ’تیری میری کہانیاں‘ آئندہ ماہ عید الاضحی کے موقع پر ریلیز کی جائے گی۔ فلم کو ایک ساتھ تین حصوں میں مختلف فنکار، ہدایتکار اور مصفف کے ساتھ پیش کیا جائے گا۔ پی پی آئی کے مطابق ملٹی ڈائریکٹرز فلم تیری میری کہانیاں میں مہوش حیات کے ساتھ وہاج علی پہلی مرتبہ سلور اسکرین پر اپنی اداکاری کے جوہر دکھائیں گے۔ دیگر میں زاہد احمد، آمنہ الیاس، شہریار منور، رمشا خان، حرا مانی، سلمان ثاقب خان (مانی) بھی شامل ہیں۔ فلم کو خلیل الرحمن قمر، واسع چودھری، علی عباس نقوی اور باسط نقوی کے اشتراک سے ریلیز کیا جائے گا۔۔دلچسپ بات یہ ہے کہ فلم کو ایک ساتھ تین حصوں میں پیش کیا گیا ہے تاہم تینوں حصوں کے فنکار، ہدایتکار اور مصنف مختلف ہونگے یعنی دیکھنے والے ایک وقت میں تین فلمیں دیکھ سکیں گے۔