نئی سیاسی جماعت کی تشکیل کیلئے جہانگیر ترین اور علیم خان کی ملاقات، سیاسی صورتحال پر مشاورت

لاہور(پی پی آئی) نئی سیاسی جماعت بنانے کے حوالے سے جہانگیر ترین نے عبدالعلیم خان سے لاہور میں ان کی رہائش گاہ پر ملاقات کی ہے۔ پی پی آئی کے مطابق ملاقات میں ملکی سیاسی صورتحال پر تبادلہ خیال اور نئی سیاسی جماعت بنانے کے حوالے سے بھی مشاورت کی گئی۔ ملاقات میں سینئر سیاستدان اسحاق خاکوانی، وزیراعظم کے معاون خصوصی عون چوہدری، سابق رکن پنجاب اسمبلی شعیب صدیقی اور سعید اکبر نوانی بھی موجود تھے۔ ذرائع کے مطابق شرکاکا کہنا تھا کہ پریشر گروپ بنانے کے بجائے نئی سیاسی پارٹی تشکیل دینی چاہیئے کیونکہ بہت سے مزید رہنما تحریک انصاف چھوڑنا چاہتے ہیں، انہیں نیا پلیٹ فارم ملنا چاہیئے۔