خیبر پختونخوا کے خواجہ سراپولیس رویے کے خلاف آج ہائیکورٹ کے باہر دھرنا دیں گے

پشاور(پی پی آئی)پشاور میں خواجہ سراؤں کی ہلاکتوں اور ان کے تحفظ میں پولیس کی ناکامی پرخواجہ سراؤں نے منگل کو پولیس کیخلاف دھرنا دینے کی دھمکی دی ہے اور متنبہ کیا ہے کہ صوبہ بھر کے خواجہ سرا منگل کو پولیس رویے کے خلاف ہائیکورٹ کے باہر دھرنا دیں گے،ٹرانس ایکشن الائنس کی چیئرپرسن فرزانہ ریاض نے ایک ویڈیو بیان میں کہا ہے کہ خواجہ سراؤں کے قتل اور ان پر تشدد کے واقعات میں مسلسل اضافہ ہورہا ہے اور پولیس خواجہ سراؤں کو تحفظ دینے میں ناکام ہے،انہوں نے کہا کہ پولیس خواجہ سراؤں پر تشدد کرنے والے افراد سے ملی ہوئی ہے جبکہ ایف آئی آر کے اندراج میں بھی خواجہ سرا کمیونٹی کو مشکلات درپیش ہیں،ان کا کہناتھاکہ پولیس رویے کے خلاف آج ہائیکورٹ کے باہر دھرنا دیں گے جس میں صوبہ بھر کے خواجہ سرا شریک ہوں گے۔