لاہور(پی پی آئی)انسداد دہشتگردی عدالت نے جناح ہاوس جلاو گھیراواور توڑپھوڑ کے مقدمہ میں علیمہ خان کی عبوری ضمانت 27 جون تک منظور کرلی۔پی پی آئی کے مطابق انسداد دہشت گردی عدالت میں جناح ہاوس جلاو گھیراو اور توڑ پھوڑ کے مقدمہ میں چیئرمین پی ٹی آئی کی ہمشیرہ علیمہ خان نے عبوری ضمانت کی درخواست پر سماعت ہوئی،انسداد دہشت گردی عدالت کے جج اعجاز احمد بٹر نے درخواست پر سماعت کی،علیمہ خان کے خلاف تھانہ سرور روڈ میں مقدمہ 96/23 درج ہے،علیمہ خان نے وکیل رانا مدثر کی وساطت سے درخواست ضمانت دائر کی۔ علیمہ خان حاضری کیلئے عدالت کے روبرو پیش ہوئیں،عدالت نے علیمہ خان کی عبوری ضمانت 27 جون تک منظور کر لی اورپولیس کو گرفتاری سے روک دیا، عدالت نے علیمہ خان کے وکیل کو ایک لاکھ کے ضمانتی مچلکے جمع کرانے کا حکم دیا۔
Next Post
میو ہسپتال کی ایمرجنسی میں ایک شخص کی ہلاکت پرسی سی پی او لاہور رپورٹ طلب
Mon Jun 12 , 2023
لاہور(پی پی آئی) نگران وزیر اعلیٰ پنجاب محسن نقوی نے میو ہسپتال کی ایمرجنسی وارڈ میں دو گروپوں کے درمیان تصادم کے نتیجے میں ایک شخص کی ہلاکت کا نوٹس لیتے ہوئے جانی نقصان پر اظہار افسوس کیا ہے اور سی سی پی او لاہور سے واقعے کی رپورٹ بھی […]