پشاور میں مرغیوں کے ہڈیوں سے تیار قیمہ شادی ہالوں‘

پشاور(پی پی آئی)پشاور میں مرغیوں کے ہڈیوں سے قیمہ تیار کر کے سپلائی کرنیوالے4رکنی گروہ کو حکام نے گرفتار کر کے جیل منتقل کردیا جبکہ مضر صحت قیمہ تلف کردیا گیا۔پی پی آئی کے مطابق محکمہ خوراک کے عملہ نے ہشت نگری میں گوداموں پر چھاپے مارے جہاں پر مرغیوں کے ہڈیوں سے مشینوں کے ذریعے قیمہ نکالا جا رہا تھا جس پر محکمہ خوراک کے افسران نے مشینوں اور 450 کلو ہڈیوں سے تیار قیمہ قبضے میں لے کر تلف کردیا جبکہ ملزمان کو جیل منتقل کردیا۔واضح رہے کہ گزشتہ دنوں بھی محکمہ خوراک نے شہر کے مختلف علاقوں میں قائم گوداموں سے 20 ہزار کلو گرام سے زائد مضر صحت قیمہ برآمد کیاتھا جو شادی ہالوں‘ شامی کباب‘ سموسہ رول‘ چپلی کباب اور سیخ کباب فروشوں کو سپلائی کیا جاتا ہے۔