چوہدری پرویز الٰہی سے پنجاب اسمبلی کی جانب سے دیا گیا اسٹاف واپس لے لیا گیا

لاہور(پی پی آ ئی) سابق وزیراعلیٰ پنجاب اور تحریک انصاف کے صدر چوہدری پر ویز الٰہی سے پنجاب اسمبلی کی جانب سے دیا گیا اسٹاف واپس لے لیا گیا ہے،۔ ذرا ئع کے مطابق سیکیورٹی اہلکار، ڈرائیورز، باورچی، ٹیلی فون آپریٹر سمیت 60 ملازمین شامل تھے۔دوسری جانب سابق وزیراعلیٰ چودھری پرویز الٰہی کی درخواست ضمانت پر سماعت 19 جون تک ملتوی کر دی گئی ہے۔خیال رہے کہ سیکرٹری پنجاب اسمبلی محمد خان بھٹی کو بھی عہدے سے معطل کر دیا گیا ہے، انہیں اینٹی کرپشن میں جاری کیسز کی بنیاد پر عہدے سے ہٹایا گیا ہے۔پنجاب اسمبلی میں ڈائریکٹرجنرل پارلیمانی امور رائے ممتاز حسین بابر کو بھی عہدے سے فارغ کر دیا گیا ہے۔