یونان میں کشتی حادثہ، پاکستان میں آ ج 19 جون یوم سوگ منایا جائیگا

اسلام آ باد(پی پی آ ئی)یونان کے قریب بحیرہ روم میں کشتی الٹنے کے واقعہ،پاکستان میں آ ج 19 جون کو یوم سوگ منایا جائے گا۔ وزیراعظم شہباز شریف نے اعلان کیا ہے کہ 19 جون کو ملک بھر میں یوم سوگ ہوگا۔ سرکاری نوٹیفکیشن کے مطابق اس دن قومی پرچم سرنگوں رہے گا جبکہ اس حوالے سے دیگر ضروری انتظامات بھی اٹھائے جائیں گے۔وزیر اعظم شہباز شریف نے کشتی الٹنے کے واقعے کی انکوائری اور انسانی سمگلنگ میں ملوث افراد کے خلاف گھیرا تنگ کرنے کی ہدایت کر دی۔خیال رہے کہ یونان کے سمندر میں خوفناک کشتی حادثے میں 60 سے زائد پاکستانیوں کی ہلاکت کے بعد مسلسل نئی تفصیلات سامنے آرہی ہیں جو دل دہلا دینے والی ہیں۔ یونانی حکام کے مطابق بحیرہ روم میں ڈوبنے والی کشتی میں 500 سے 700 افراد سوار تھے۔یونان کشتی حادثے میں آزاد کشمیر کے 22 لاپتہ افراد کی فہرست بھی جاری کردی گئی۔ اب بھی کوٹلی اور دیگرعلاقوں سے جانے والے متعدد افراد کا کچھ نہیں پتہ چل سکا۔ انتظامیہ کے مطابق یویان کشتی حادثے میں لاپتہ ہونے والے 27 سے زائد پاکستانیوں کا تعلق ضلع کوٹلی سے تھا۔