اسلام آ باد(پی پی آ ئی)پاکستان مسلم لیگ (ن) کی سینئر نائب صدر اور چیف آرگنائزر مریم نوازنے یونان میں کشتی ڈوبنے سے پاکستانیوں کے جاں بحق ہونے پر افسوس کا اظہا ر کرتے ہو ئے انسانی جانوں سے کھیلنے والے ہیومن سمگلرز کو قرار واقعی سزا دینے کا مطا لبہ کر دیا ہے۔لیگی رہنما مر یم نواز نے آ ج پیر کو یوم سوگ منانے کے وزیراعظم کے فیصلے کا خیرمقدم کرتے ہو ئے متاثرہ خاندانوں سے دلی ہمدردی اور تعزیت
کا اظہار کیا ہے۔ خیال رہے کہ یونان میں کشتی حادثے میں پاکستانیوں کے جاں بحق ہونے پر وزیر اعظم شہباز شریف نے یوم سوگ منانے کا اعلان کر دیا۔وزیراعظم شہباز شریف کی ہدایت پر 14 جون کو یونان میں کشتی الٹنے کے حادثے پر آج 19 جون بروز پیر کو قومی سوگ منایا جائے گا اس سلسلے میں قومی پرچم سرنگوں رہے گا اور جاں بحق ہونے والوں کیلئے خصوصی دعا کی جائے گی۔