پاک سوزوکی کا اپنے پلانٹس مزید 16 دن بند رکھنے کا اعلان

کرا چی(پی پی آ ئی) پاک سوزوکی نے موٹر سائیکل اور آٹوموبیل پلانٹس مزید 16دن بند رکھنے کا فیصلہ کیا ہے۔ترجمان کے مطابق یہ فیصلہ پارٹس کی قلت اور انوینٹری نہ ہونے کے باعث کیا،موٹر سائیکل اور آٹوموبیل پلانٹس 22جون سے 8جولائی تک بند رہیں گے۔اس سے قبل پاک سوزوکی نے اپنے موٹر سائیکل پلانٹ کی بندش میں 16 جون تک توسیع کی تھی۔کمپنی کا موقف ہے کہ حکومت کی جانب سے آٹو سیکٹر کی درآمدات پر عائد پابندیوں کی وجہ سے کمپنی کو انونٹری کی قلت کا سامنا ہے۔