انسانی سمگنگ کے معاملے پر کمیٹی ایک ہفتے میں رپورٹ پیش کرے گی: رانا ثنا اللہ

اسلام آ باد(پی پی آ ئی) وفاقی وزیر داخلہ رانا ثنا اللہ نے کہا ہے کہ انسانی سمگلروں سے متعلق تحقیحقات جاری ہیں اور ان سے متعلق عالمی تعاون بھی حاصل کیا جائے گا۔نجی میڈیا کے ایک پروگرام میں بات کرتے ہوئے لیگی رہنما اور وزیر داخلہ رانا ثنا اللہ نے کہا کہ ’انسانی سمگلرز سے متعلق کمیٹی تشکیل دے دی گئی ہے جو ایک ہفتے میں کمیٹی اپنا کام مکمل کر کے رپورٹ پیش کرے گی۔ کمیٹی کا مینڈیٹ یہ بھی ہے کہ سزا پر عمل درآمد کو یقینی بنایا جائے۔وزیر داخلہ نے دعویٰ کیا کہ ’سخت ترین قوانین کے تحت کارروائی کر کے ان سمگلرز کو قرار واقعی سزا دی جائے گی۔ ان ملزمان نے فی کس 20 سے 25 لاکھ روپے تک وصول کیے۔ اکثر کیسز میں ایجنٹ مدعی کو پیسے دلا کر کیسز ختم کروا دیتے ہیں۔ کمیٹی قوانین میں مزید بہتری کے لیے تجاویز دے دی ہیں۔رانا ثنا اللہ کے مطابق ’لبنانی کوسٹ گارڈ کے رویے سے متعلق حکومت لبنانی حکومت سے بات کرے گی۔خیال رہے کہ یونان کشتی حادثے کا مرکزی ملزم و انسانی سمگلر پکڑا جا نے کا دعویٰ کیا جا رہا ہے، ذرا ئع کے مطابق حادثے کے مرکزی ملزم ممتاز آرائیں کو وہاڑی سے گرفتار کیا گیا۔ پنجاب پولیس کا کہنا ہے کہ ملزم سے شریک ملزم اسلم کا موبائل نمبر بھی برآمد کیا گیا۔
بتایا گیا ہے کہ ملزم سے اہم دستاویزات، موبائل ڈیٹا سمیت اہم شواہد بھی برآمد کئے گئے ہیں اور اسے تفتیش کیلئے ایف آئی اے کے حوالے کر دیا۔ آئی جی پنجاب عثمان انور کا کہنا ہے کہ یونان کشتی حادثے میں ملوث تمام ملزمان کو جلد گرفتار کر لیں گے۔