یونان کشتی حادثہ ، مرکزی ملزم وانسانی اسمگلرممتاز آرائیں کو وہاڑی سے گرفتار

لاہور(پی پی آ ئی) یونان کشتی حادثہ، مرکزی ملزم وانسانی اسمگلرممتاز آرائیں کو وہاڑی سے گرفتار کرلیا گیا۔ذرا ئع کے مطابق اس حوا لے سے پنجاب پولیس نے دعویٰ کیا ہے کہ ملزم سے مرکزی ملزم اسلم کا موبائل بھی برآمد ہوا ہے،اس کے علاوہ ملزم سے اہم دستاویزات موبائل ڈیٹا سمیت اہم شواہد بھی برآمد ہوئے۔ ملزم کو مزید تفتیش کیلئے ایف آئی اے کے حوالے کیا جا رہا ہے۔ آئی جی پنجاب نے کہا کہ یونان کشتی واقعہ میں ملوث تمام ملزمان کو جلد گرفتار کرلیا جائے گا۔خیال رہے کہ گزشتہ روز قبل وفاقی تحقیقاتی ادارے (ایف آئی اے) نے یونان میں تارکین وطن کی کشتی کو پیش آنے والے حادثے میں پاکستانی شہریوں کے جاں بحق ہونے کے بعد سندھ اور بلوچستان میں انسانی اسمگلرزاوران کے سہولت کاروں کے خلاف بڑے پیمانے پرکریک ڈاؤن کرنے کا فیصلہ کیا تھا۔