حریم شاہ ویڈیوز لیک کیس،صندل خٹک کی درخواستِ ضمانت منظور

اسلام آ باد(پی پی آ ئی) حریم شاہ ویڈیوز لیک کیس میں عدالت نے ملزمہ صندل خٹک کی درخواست ضمانت منظور کر لی ہے۔ذرا ئع کے مطابق سپیشل جج سینٹرل اسلام آباد اعظم خان کی عدالت میں ملزمہ صندل خٹک کے وکیل مصدق برقی پیش ہوئے۔انہوں نے عدالت کو بتایا کہ صندل خٹک کو کوئی نوٹس نہیں ملا تھا لیکن مقدمہ براہ راست درج کر لیا گیا۔ انھوں نے بتایا کہ حریم شاہ کی صندل خٹک کے خلاف ایف آئی اے لاہور اور پشاور میں درخواست خارج ہوئی۔وکیل کے مطابق صندل خٹک نے لائیو سٹریمنگ شیئر کی، خود ریکارڈنگ نہیں کی۔ صندل خٹک کے موبائل سے کوئی ثبوت نہیں ملا اور جب ویڈیوز بنائی گئیں تو تب وہ ہنس رہی تھیں۔وکیلِ کے مطابق حریم شاہ کی ویڈیوز ان کی رضامندی سے بنائی گئیں اور صندل خٹک سے دوران تفتیش کچھ برآمد نہیں ہوا۔