ایڈووکیٹ لطیف کھوسہ کے گھر پر فائرنگ کاملزم گرفتار

لاہور(پی پی آئی)سابق گورنر پنجاب لطیف کھوسہ کے گھر پر فائرنگ کی گھتی سلجھ گئی۔ فائرنگ میں ملوث سابقہ ریکارڈ یافتہ اور پیشہ ور شوٹر محسن عرف لمبا کو گرفتار کرلیا گیا۔ملزم محسن نے اعتراف کیا کہ پی ٹی آئی رہنما زبیرخان نیازی کے کہنے پر لطیف کھوسہ کے گھر فائرنگ کی۔ کہا زبیرخان نیازی نے اپنا ایک بندہ نشاندہی کیلیے ساتھ بھجوایا، جس نے لطیف کھوسہ کا گھر دکھایا۔پی پی آئی کے مطابق ڈی آئی جی انویسٹی گیشن کامران عادل کا کہنا ہے کہ واردات کیلیے 10 لاکھ روپے میں معاوضہ طے ہوا، ملزم ایک لاکھ روپے ایڈوانس وصول کرچکا تھا۔ ملزم بھی سیاسی جماعت کا کارکن ہے، جلسے جلوسوں میں زبیرخان نیازی سے تعلق قائم ہوا۔کامران عادل کا کہنا ہے کہ ملزم نے ایڈووکیٹ سپریم کورٹ اعترازاحسن کے گھر بھی فائرنگ کرنا تھی، ملزم کے بیان کی مزید تصدیق کی جارہی ہے۔ ملزم کا تعلق انڈرورلڈسے ہے۔ڈی آئی جی انویسٹی گیشن کا کہنا ہے کہ ایڈووکیٹ لطیفہ کھوسہ کے گھر پر فائرنگ کا مقصد ملزم اور فائرنگ کروانے والے وکلاؤر حکومت میں تصادم یاتعلق کشیدہ کروانا چاہتے تھے۔